नाट्यसम्मेलनाध्यक्ष पदी संगीत रंगभूमीच्या शिलेदार!

मुंबईत होणाऱ्या '९८ व्या अखिल भारतीय मराठी नाट्य सम्मेलना' च्या अध्यक्षपदी संगीत रंगभुमीशी समर्पित ज्येष्ठ गायिका-अभिनेत्री कीर्ति शिलेदार यांची निवड झाली याचा आनंद झाला!

कीर्ति शिलेदार नि 'स्वरसम्राज्ञी' हे समीकरण!

'शारदा', 'शाकुंतल, 'सौभद्र', 'स्वयंवर' अशा अनेक संगीत नाटकांतील त्यांचा बहारदार अभिनय  नि गायकी ही रसिकांना मंत्रमुग्ध करुन गेली आहे. कीर्ति शिलेदार आणि 'स्वरसम्राज्ञी' हे समीकरण मी अनुभवलेय!

तसेच संगीत रंगभूमीचे दिग्गज जयराम शिलेदार व जयमाला शिलेदार यांच्या उपस्थितीत त्यांच्या या प्रसिद्ध कन्येची भूमिका असलेले 'मंदोदरी' हे नाटक पूर्वी पाहून, त्यावर लिहिल्याचे आणि त्यांच्याशी सुसंवाद साधल्याचे मला चांगले स्मरते! 
तेंव्हा मी चित्रपट परीक्षणाबरोबर क्वचित नाट्य परिक्षण ही लिहित असे!

दिल्लीच्या 'संगीत नाटक अकादमी'चा विशेष पुरस्कार, महाराष्ट्र सरकारचा 'अण्णासाहेब किर्लोस्कर संगीत रंगभूमी जीवनगौरव पुरस्कार' आणि 'बालगंधर्व' पुरस्कार यांनी त्यांचा गौरव झाला आहे.

त्यांचे अभिनंदन आणि हार्दिक शुभेच्छा!!

- मनोज कुलकर्णी
 ['चित्रसृष्टी', पुणे]