'पिंक' (२०१६) या हिंदी चित्रपटाचे पोस्टर! |
"नाही म्हणजे नाही!"
२०१६ मध्ये..अमिताभ बच्चन, तापसी पन्नु, कीर्ति कुल्हारी आदींच्या भूमिका असलेल्या अनिरुद्ध रॉय चौधरी दिग्दर्शित 'पिंक' या हिंदी चित्रपटाची "नो मीन्स नो" संवादासह बरीच चर्चा होती..त्यांनी मांडलेलं वास्तव नि दिलेला संदेश हा उल्लेखनीय आहे. पण हा विषय (तथाकथित छेडछाडीच्या बॉलीवूडपटांपलीकडे) आपल्या भारतीय चित्रपटासही नवीन नाही!
'इन्साफ का तराजू' (१९८०) या चित्रपटाचे पोस्टर! |
'इन्साफ का तराजू' (१९८०) या चित्रपटातून पूर्वी दिग्गज चित्रपटकर्ते बी. आर. चोप्रा यांनी 'इन्साफ का तराजू' (१९८०) या चित्रपटातून (वेगळ्या कथानकासह) हा विषय प्रभावीपणे मांडला होता..त्यात झीनत अमान, राज बब्बर, पद्मिनी कोल्हापुरे व सिम्मी गरेवाल यांच्या प्रमुख भूमिका होत्या. त्यावेळी त्याचीही अशीच चर्चा झाली आणि त्यास पुरस्कारही मिळाले!
'लिपस्टिक' (१९७६) चित्रपटाचे पोस्टर! |
तो 'इन्साफ का तराजू' बेतलेला होता एका अशाच बहुचर्चित अमेरिकन चित्रपटावर..त्याचं नाव होतं 'लिपस्टिक' (१९७६). लॅमोन्ट जॉन्सन दिग्दर्शित ह्या चित्रपटात मार्गाउक्स व मेरील हेमिंग्वे, ख्रिस सारान्दोन आणि ऍन बँक्रॉफ यांच्या प्रमुख भूमिका होत्या..त्यातही नायिकेची 'प्लिज नो.." ही आर्जव भिडणारी होती!
तीन तपे लोटल्यावरही ह्या परिस्थितीत बदल नाही..आणि यावरील चित्रपट अजूनही समकालीन होतील!!
- मनोज कुलकर्णी
['चित्रसृष्टी', पुणे]
No comments:
Post a Comment